ضحايا ليلة الفلانتين مش دايما يوم الvalentine بيبقى ذكرى حلوة لكل الناس… بس الأكيد إنها بتبقى ذكرى مبتتنسيش.. وده اللي حصل في قصة patricia Mann و jesse McBane..
يوم الفلانتين سنة ١٩٧١ قررت patricia إنها تاخد صديقها jesse عشان يحضروا حفلة بمناسبة عيد الحب.. Patricia كانت بتتمرن انها تكون ممرضة في مستشفى مشهورة في كارولينا الشمالية… وهي دي نفس المستشفى اللي الحفل كان مقام فيها..
الكل كان بيتكلم عن jesse و patricia وقد إيه هم ثنائي لطيف ومتشابه في حاجات كتير واللي منها الانضباط والالتزام.. ده غير اللي كانوا بيحكوا عن الساعة الغالية اللي كانت مع jesse وعن الخاتم الثمين اللي كان معاه..
وفي آخر الحفلة خرج jesse هو و patricia على أساس انهم راجعين البيت بعد ما الحفلة خلصت واستمتعوا بيها…. بس مش ده اللي حصل.
عدي يوم والثاني وpatricia و jesse مرجعوش!! وملهمش أي اثر ولا حد يعرف اختفوا فين…أخر مرة حد شافهم أو عرف عنهم حاجة كانت يوم الحفلة الساعة ١١:٣٠ بالضبط وهم خارجين من المستشفى بعد الحفلة…
كل اللي كانوا بيسمعوا الحكاية كانوا بيفترضوا انهم يا هربوا سوا مثلا او اختفوا لأي سبب وأكيد راجعين تاني.. بس أهالي الثنائي ده والناس القريبة منهم مصدقوش حرف من الافتراضات دي.. لأنهم عارفين إن الاتنين منظبطين جدا ومستحيل يعملوا حاجة زي دي..
وبعد يومين من البحث قدر البوليس انه يلاقي عربية jesse مركونة وفاضية والمعطفين بتوع jesse و patricia موجودين فيها.. بعد التفتيش والبحث لقوا أن مفيش أي حاجة من ممتلكات العربية اتسرقت…وساعتها كان الافتراض الادق أن أكيد هم خرجوا بإرادتهم… أو حد تتبعهم َخرجهم بنفسه من العربية!
في الأول القضية كانت ماشية على أنها قضية اختفاء… لكن الوضع ده مستمرش كتير…واتحولت القضية لقضية قتل وتعذيب!!
بعد أسبوعين تقريبًا واحد من اللي بيشتغلوا في قياس مساحة الأراضي الزراعية قال إنه أثناء عمله في الغابة لمح رجل وسط كومة من الأغصان المتشابكة.. افتكر إنها رجل مانيكان أو دمية حد تخلص منها عن طريق رميها هنا في الغابة **موجود ليها صورة تحت**
ولكن بعد ما العامل ده قرب شوية قدر يميز أن دي رجل إنسان.. وان الإنسان ده أو الراجل ده مربوط في شجرة ضخمة بحبال متينة جداا.. وواضح على الراجل انه مات من فترة!!
العامل مستناش وراح القسم التابع للمنطقة اللي كانوا عايشين فيها وحكي كل اللي شافه… وبمجرد ما شاف الضباط الجثة المربوطة في الشجرة لقوا مربوط فيها كمان جثة تانية لبنت… هتقولوا طب ليه منقولش أن الشخصين دول منتحرين مش مقتولين؟؟ الإجابة ببساطة أن آثار التعذيب الواضحة على جسد الجثتين لا توحي ابدااا ان دي محاولة انتحار.
وبعد التحقيقات والتحليلات اكتشف الضباط أن الجثتين اللي لقوهم بتوع الشخصين اللي اختفوا من أسبوعين وملهمش إثر.. اللي هما patricia و jesse.
البوليس مكنش قادر يلاقي أدلة كافية أو أشخاص كتير يقدر يعتبرهم متهمين، مكنش في أي حاجة أكيدة.. غير حاجة واحدة بس.. وهي أن اللي قتل jesse و patricia قتلهم بطريقة أقل ما توصف به إنها سادية!
في التحقيقات قدروا يثبتوا أن الحبال اللي كانت حولين رقبتهم متشدتش مرة واحدة عشان يتخنقوا فيموتوا على طول… القاتل كان بيشد الحبال جامد ببطء لحد ما يتخنقوا فيفقدوا الوعي.. وساعتها بيروح القاتل سايب الحبل بحيث انهم يعرفوا يتنفسوا فميموتوش.. وبمجرد ما يعرفوا يتنفسوا ويفوقوا كان بيشد الحبل مرة تانية بحيث يغمى عليهم تاني.. وبعدين يفكهم عشان يصحو يتنفسوا للحظات وهكذا بقاا… وده متعملش مرة وخلاص.. ده كان بيعمل كده فيهم كذا مرة لحد ما ماتوا خالص.
الغريب أن مفيش حاجة من ممتلكاتهم الثمينة مفقودة أو اتسرقت.. كل حاجاتهم زي ما هي، هدومهم زي ما هي وحتى الساعة الغالية اللي كانت مع jesse في الحفلة محدش جه جمبها… يعني القاتل مكنش هدفه السرقة خاالص.
كل المتهمين كانت بتُثبت براءتهم لأن معظم التهم الموجهة إليهم كانت غير واقعية أصلا!! يعني مكنش في متهم مشتبه في أوي.
اتقال أن القضيه دي العالم كله حقق فيها… وكل شخص كان بيحقق لوحده…منفرد عن الباقي.. ويمكن تكون من أسباب إن القضيه ما وصلتش لحل في الاخر عدم التعاون اللي حصل ده..
عدي ٤٩ سنة على القضية ولسه محدش لقالها تفسير.. مين اللي عمل كده فjesse و patricia?? وليه ماخدش أي حاجة من الممتلكات اللي كانت معاهم أو كانت في العربية؟؟ هل فعلا في جريمة كاملة؟؟ ولا العالم بس هو اللي فشل ف انه يلاقي الدليل اللي هينهي القضية؟!!
القضية فعلا من أغرب القضايا اللي حصلت وزي ما قال عنها أحد المحققين:
“I’ve been involved in tons of investigations in the 28 years I’ve been here. It just had a different feel. It was like a Hollywood script..”
ويبقى الأشخاص الوحيدين اللي عارفين هوية قاتل jesse و patricia هم jesse و patricia نفسهم!!
ودي المصادر.. Enjoy:
ده لينك حاجة زي مسلسل كده عن الجريمة دي.. عبارة عن كذا حلقة بس معمولين بطريقة حلوة جدا:
اقرأ أيضاً
