يا أجمل بنت تخطت حاجز العشرين.
يا أجمل بنت بناديلك.. فتردي في غمضة عين.
يا أجمل بنت محبوبة وليكي مكانه وسط الملايين.
يا أجمل بنت بتمنى أعيشلك أيامي الجايين.
راحت حياتي قبلك بدور على ال تشبهني..
ولما لقيتك هليتي؛ لمحت نظرة أمي في عنيكي
مهي كانت دايمًا تدعيلي.. ربنا يرزقني ببنت الحلال ال تقدر تسعدني.
شوفت فيكي حنان وطيبة صعب تتوجد في غيرك.
عيشت معاكي سنين كتيرة .. مندمتش في يوم إني حبيتك.
يا أجمل نصيب جاني .. بتمنى ربي يديمك.
يا طفلة كبيرة عايشالي، ومليالي الحياة بهجة.
يا حب كبير، يا دنيا كلها خير.. اتمني، واستني..
تلاقيني أوام بنفذلك كل طلباتك.. وكإني جني.
يا أميرة في قصر حبنا.. ملكتيني.
حبيتك حب مش عادي.. وأنا فاضي لعنيكي.
وحتى لو مش فاضي، هفضالك ما أنا ليكي.
يا أصغر أم مجنونة.. يا أكبر عقل، أنا شاري.
يا أجمل وردة في بستاني.
هسقيكي وهرويكي.. ومش ههدأ ولا همل.
ولو جيت في يوم قصرت.. عاتبيني ولوميني..
دا أنا في بعدي عنك يوم والله ما قدرت.
