حدث بالفعل

أشباح المقبرة

أشباح المقبرة ، بيقولوا إن مقبرة كولونيال بارك هي أكتر مسكون في سافانا بجورجيا!

بس هل الكلام دا حقيقي؟

مدينة سافانا بجورجيا هي واحدة من المُدن اللي فيها عدد كبير فعلًا من الأساطير وعدد أكبر من الأشباح!

مُشكلة المدينة دي إن على مدار السنين بدأت تضيق على سُكانها، فكان لازِم يلاقوا طريقة يوسعوها بيها شوية، والطريقة الأفضل من وجهة نظرهم كانِت هدم المقابر القديمة والبناء فوقها، من غير ما يخرَّجوا الجُثث المدفونة تحت الأرض!

أشباح المقبرة
أشباح المقبرة

عشان كدا المدينة دي مشهورة عالميًا بلقب «المدينة التي تعيش على موتاها»

دا غير شُهرتها بحكايات الأشباح والمشاهِد الطيفية في جميع أنحاء المدينة.

أشباح المقبرة

أشباح المقبرة
أشباح المقبرة

لو حصل وكُنت هناك.. وسألت أي شخص محلي عن أكتر الأماكِن المسكونة في المنطقة هيجاوبك بدون تفكير إن دي مقبرة كولونيال بارك، ودي أقدم مقبرة موجودة في المدينة، وكانِت هي المدفن الرئيسي في المدينة لحَد سنة ١٨٥٣، وبيُقال إن إتدفن فيها أكتر من ١٠ آلاف شخص تقريبًا على الرغم من إن كُل اللي فيها حوالي ألف قبر بس.

السبب في دا هو المقابِر الجماعية الموجودة فيها، زي المقبرة الجماعية المدفون فيها حوالي ٧٠٠ شخص من ضحايا وباء الحمى الصفراء اللي ماتوا سنة ١٨٢٠، وفي الحقيقة هُما عددهم ٦٦٦ شخص بس، بس أهل المدينة بيقولوا ٧٠٠ عشان ميبقاش الرقم مُشابه لرقم الشيطان الشهير.

دا غير الممرات المُنتشِرة تحت المدينة كُلها، واللي بتتحط فيها الجُثث على الرفوف المُعلقة على الحيطان لحَد ما تتحلَّل وتتحوَّل لعضم وساعتها بتتشال وتتدفن في مكان تاني وبتحط مكانها جُثث تانية جديدة.

لكن نُقطة التحوُّل في تاريخ المقبرة دي حصل أثناء الحرب الأهلية..

أشباح المقبرة
أشباح المقبرة

سنة ١٨٦٤.. أعضاء جيس الاتحاد دنسوا القبور وشواهدها ونحتوا عليها تواريخ جديدة من باب الاستهزاء بموتى المدينة، يعني كمثال غيَّروا تاريخ وفاة واحِد عشان يبان وكأنه عاش ٥٤٤ سنة، وغيّروا تاريخ ميلاد واحِد عشان يبقى إتولد قبل والده بـ ١٠٠٠ سنة تقريبًا!

لو حصل وكُنت هناك بالليل.. هتلاقي كُل سُكَّان المدينة بيبعدوا عن المقابِر بالليل، لأن عندهم قاعدة بتقول إنك لو قرَّبت.. قرَّبت بس من المقبرة.. هتشوف أشباح المدفونين فيها وهُمّا بيتمشوا بين القبور!

واحدة من أشهر الأساطير المُتعلِّقة بالمقبرة هي أسطورة «رينيه روندولييه»..

الشبح اللي آلاف من سُكَّان المدينة شافوه وهو بيتمشى بين شواهِد القبور أو شافوه مشنوق على فروع الشجرة اللي فوق قبره، وفي الحقيقة شبح روندلييه مُميَّز جدًا لأنه طويل فعلًا، دا غيره إنهم بيقولوا إنه استدرج بنتين في المقبرة وقتلهم.. فأهل المدينة انتقموا منه وشنقوه على فروع الشجرة دي فعلًا!

طبعًا فيه مئات القصص اللي بتتكلِّم عن حاجات مُخيفة بتحصَل في المقبرة دي، الأشكال الغامضة اللي بتطارد الزوَّتر، الضباب الأخضر الباهِت اللي بيتحرَّك بين القبور، أو الأطياف اللي بتقدر تشوفها طول الليل.

مين حابِب يزور المقبرة عشان يتأكِّد بنفسه؟

أشباح المقبرة
أشباح المقبرة

اقرأ أيضاً

مصاصة دماء رود آيلاند

المدينة الملعونة

محمد عصمت

ولد الكاتب محمد عصمت عام 1988م في محافظة دمياط بمصر ، تخرج من كلية التجارة، اشتهر بكتاباته روايات الرعب و أعماله القصصية المترجمة ،و كانت أولى رواياته بعنوان “الممسوس” عام 2014م ، و هي رواية رعب فريدة من نوعها ، وصدر له روايات أخرى مثل (باب اللعنات، الجانب المظلم، ذاتوى) ، ويصدر له على موقع شخابيط سلسة مقالات حقل ألغاز

‫2 تعليقات

زر الذهاب إلى الأعلى