أشباح الطائرة 401.. حادثة كانت مجرد البداية

أشباح الطائرة 401.. في بعض الأوقات بنتسائل، هل كل شيء بينتهي بالموت، وبتختفي الحياة؟

للأسف مفيش إجابة واضحة علي سؤال زي ده، ولكن ممكن ناخد لمحة عن الإجابة من حادثة الرحلة 401.

أشباح الطائرة 401

في يوم 29 ديسمبر سنة 1972، الرحلة 401 كانت بتحمل 176 مسافر، والوجهة كانت مطار ميامي..

قائد الطائرة كان القبطان “بوب لوفت” ومساعده “دون ريبو”، وكانوا بيستعدوا للهبوط بشكل طبيعي جدا لما لاحظوا إن في مشكلة في عدة الهبوط، وبيعتقد الإثنين إن المشكلة دي كانت السبب في إنهم ميلاحظوش إن الطائرة بتهبط بسرعة 200 قدم في الدقيقة.

وفي النهاية سقطت الطائرة في أراضي فلوريدا الخضراء، وقتلت حوالي 101 من الركاب.. نجى القبطان ومساعده من التصادم، لكن للأسف جراحهم كانت بليغة والقبطان مات بسبب الحريق، ومساعده مات بعدها بيوم.. واعتقد الجميع أن القصة انتهت هنا.. لكن دي كانت مجرد البداية!

شركة الطيران الشرقية استخدمت بقايا حطام الطائرة كقطع غيار لباقي أسطول الطائرات، بعدها بفترة قصيرة بدأت البلاغات تغرق الشركة عن أشباح الرحلة 401 اللي بيظهروا في الطائرات المختلقة اللي تم استخدام أجزاء من الطائرة المحطمة في تصنيعها.

معظم البلاغات بتوصف الأشباح اللي بتظهر، واللي غالبًا بتبقى من طاقم الطائرات، بتقول: إن شبح مساعد القبطان “دون ريبو” كان دائم الظهور في الطائرة، وكأنه بيحاول يتأكد من عدد الأمان كمحاولة باقية له لحماية المسافرين!

لدرجة إن بعض البلاغات صرحت إن شبحه صلح بعض الأعطال بنفسه، ونبه عن حريق محتمل في الطائرة وأدي لإنقاذ مئات الأرواح.

الراكب الغريب

أما شبح القبطان “لوفت” فكل البلاغات عنه بتقول: إنه دايمًا بيظهر في مقاعد الدرجة الأولى أو مقاعد طاقم الطائرة.

وفي بلاغ صرح إن واحدة من الطاقم كلمته وهي معندهاش علم بهويته، وسألته عن كيفية صعوده للطائرة لإنه مش من الركاب ولا من الطاقم.. لكن شبح لوفت فضل مكانه بدون رد؛ فقررت تشتكي للقبطان واللي قرر بدوره يشوف معاها مشكلة الراكب الغريب، لكن أول ما شافه تعرف عليه، واختفى الشبح فورًا من قدامهم.

شركة الطيران كمحاولة لإخفاء الحوادث نصحت أصحاب البلاغات باستشارة دكاترة نفسيين، وشككت في كل بلاغاتهم.. ولكن مع ذلك اتخلصت من كل قطع الغيار الخاصة بالرحلة 401، ومن كل الطائرات اللي استخدمتها. ومن وقتها والمشاهدات والبلاغات توقفت تماما.

لذا أتمنى تكون خدت لمحة عن إجابة أول سؤال..

اقرأ أيضا:

حقيقة الرجل الثعبان بقلم: محمد جمال

لغز المستعمرة المفقودة بقلم: محمد عصمت بتاع الرعب