هناك العديد من القصص الغريبة للغاية لكن أغرب تلك القصص هي تلك التي نراها بأعيننا ونقف أمامها في عجز تام ,,والتي قد لا نجد لها تفسيراً منطقياً أو حتى سبباً معقولاً .
تعالوا معنا نقرأ عن إحدى تلك القصص الغريبه والعجيبة ,,وموعدنا اليوم .. في معلوماتنا الغريبة مع قبائل الأمازون في بيرو بعنوان قاطعوا الرؤوس البشرية ولتخفيف حدة الموضوع فقد صغته في شكل حواري باللهجة المصرية العامية اتمنى ان ينال رضاكم
موضوعنا اليوم هوموضوع غريب جداً ودموي جداً جداً
هنتكلم عن موضوع اسمه صائدوا الرؤوس البشريه
– نعم يا حبيبي صائدوا إيه ؟
– أه صائدوا الرؤوس البشريه !
– زي ما احنا عارفين كلنا ان تقريبا كل الشعوب مارست ما يسمى قطع الرؤوس !!
– طيب هم مارسوه إزاي يعني ؟
– أقولك انا ياسيدي ازاي ,, يا اما باستخدام السيف يا اما بالمقصله يا اما بالفاس !!
لكن اللي هنتكلم عليه في موضوعنا ده هو نوع ثاني خالص ,, النوع ده بيتكلم عن قبيله من قبائل الامازون اسمها جيفاروا ,,كانت عندها طريقه غريبه للغايه في قطع الرؤوس وكمان بتحضرها !! وقبل ما تقول لي يعني ايه تحضرها ؟؟
يعني يا سيدي كانوا بيعملوا من الرؤوس البشريه تحف زي رؤوس الحيوانات اللي بيستخدمها بعض الامريكان والأوروبين ويعلقوها في بيوتهم كشكل من اشكال الزينه !!
تخيل كده جنب رؤوس الأسود والغزلان رأس بشري متعلق !!
بغض النظر إننا بنختلف أصلاً مع فكرة تعليق رؤوس الحيوانات كتحفة أو زينة لان ده ببساطة غير إنساني وفي اعتداء على حقوق الحيوان هتقولي طبعاً حقوق حيوان إيه دلوقتي ياعم خلينا إحنا في مصيبتنا لأن الاخطر من الحيونات انها كانت بتتعمل في بني ادمين!!
تعالوا معنا بقى نشوف الموضوع ده أصله إيه وبيتعمل ازاي ؟
في البدايه كانت هذه القبائل بتمارسها على قدها كاحدى عادات هذه القبيله
لكن مع الوقت تحولت هذه العادات الى حاجه ثانيه خالص ,, تحولت الى مصدر تجاري يجيب فلوس وتجارة مربحة وللغاية !
– يا نهار إسود قولت لي البلد ده فين ؟
– خلينا الاول نعرف كان عادتهم ده عباره عن إيه ونشوف هم كانوا بيفكروا في الموضوع ازاي ؟
هم كانوا يعتقدوا ان روح القتيل والقدرات الروحيه بتاعته اللي موجوده فيه بتبقى في خدمه اللي بيقوم بقطع وتحضير رأس هذا القتيل وبتتحول هذه القدرات الروحية للي بيمتلكها
وده ينقلنا لطريقة تحضير الرأس المقطوعه ؟
في البدايه بيخرجوا الجمجمه والعظم من الراس وبعد كده بيقوم بعمليه لعزل اللحوم والشحوم ويتحط ده كله في الماء المغلي ويضيفوا له بعض الاعشاب وبعدها يقوموا بتخفيفه بوسطه الصخور والرمل و معالجته برماد بعض الأعشاب ليستعيد هيئته البشرية ثم يتم بعد ذلك خياطة الشفاه ووضع الإضافات المتنوعه للرأس كالشعر وبعض الزينة
– يالا بالهنا والشفاء !!
الموضوع ده في البدايه زي ما قولنا انه كان احدى العادات لتلك القبائل والي كانت بتتعمل على نطاق صغير … على الأد يعني بس مع دخول القرن 19 وتواجد الأجانب والزوار في هذه النواحي ال عجبهم الموضوع بشكل كبير
اصبح هناك طلب كبير من الاوروبيين ال كانوا عايزين هذه الرؤوس وعايزين يشتروها وبالطبع ده حوله لتجارة مربحه جداً و ال زود معاه دخل هذه القبائل وطبعاً مع زيادة الطلب القبيله زودت قطع الرؤوس عشان يبيعوهااو يبدلوها بالبنادق ال كانوا بيفضلوها اكثر من البيع وبلغ سعر الراس الوحده في عام 1930 25 دولار
أخيراً لما زادت عمليات القتل وقطع الرؤوس الموضوع كبر بشكل مش طبيعي وال اصبحت معاه ادغال الامازون منطقه مرعبه لاي زائر
وبالتالي ده ضغط على حكومه بيرو انها تتدخل وتصدر مجموعه من القوانين الصارمه تجرم فيها تجارة الرؤوس البشرية ,,
ورغم ذلك هذه القبيله لغايه النهارده بيصنعوا برضوا رؤوس للسياح ال مازالوا بيطلبوها !!
لكنها مصنوعه المره ده من جلود الحيوانات مش من رؤوس البشر
عشان تفضل هذه التجاره رائجه ومستمره ,,
يا ترى ايه رايكم في هذا الموضوع ؟!!
تابعوني كل أسبوع في … سلسلة معلومات غريبة حول العالم
د. سامح شاكر
