لم اتوقع ما سوف يفعله فضولي الزيادة وحبي لاي حاجة غير مألوفه وشجاعتي لخوض تجارب مش باينلها بداية من نهاية .. دايما موقعني ف مشاكل انا مش قدها.
معاكم مرام ٢٠ سنه من القاهره وبحب جدا جدا المغامره وبحب اجرب كل حاجه وفضوليه ودي حاجه ف شخصيتي مسببالي مشااكل كتير ف حياتي بس بحاول أتخلص منها… والكابوس ابتدأ لما كنت جايه من الجامعة وروحت ع البيت “انا قاعده ف البيت لوحدي” جامعتي ف حلوان وساكنه ف شقه جمب الجامعة بس كنت قااعده مع صحابي شويه قبل ما اروح البيت وروحت متأخر كان الساعة ١١ تقريبا علي ما أتذكر المهم فتحت الباب لقيت النوور مطفي مع إني كنت سيبااه مفتووح قبل ما امشي.. أنا طنشت وفتحته عاادي و روحت غيرت هدومي ودخلت المطبخ عشاان اعمل اكل ف فتحت التلاجه لقييت فيهاا أكل أنا مجبتووش أنا استغربت شويه وفضلت احط ف احتمالات عشاان اقنع نفسي ب أي حااجه
وافتكرت إن ماما ممكن يكون ده الأكل اللي ماما جابته أخر مره انا أصلا مباكلش ف البيت كتير عشان اعرف إيه اللي موجود، أكلت وخلصت اكل ودخلت الأوضه عشان اناام لقيت الاوضه أركانها في ورد اسود صغير شكله غريب عمري ماشوفته وفي ريحه غريبه ف الاوضه أول مره أشمها ف حياتي كل ده ميجيش حاجه قدام الي شوفته لما روحت على السرير عشان أنام، أول م حطيت راسي ع المخدة لقيت في كلام بيتكتب ع السقف كلام عمال يروح ويجي كده أنا اتفزعت نطيت من على السرير قومت فضلت اعمل ف عيني كده ورجعت أبص تاني! ..
لقيته راح ومفيش اي حاجه ، فضلت قاعده استعيذ بالله من الشيطان الرجيم وقولت يمكن بتخيل بس عشان عايزه أنام ونمت وقولت ابقا اشوف الموضوع ده بكره عشاان كنت تعبانه وعايزه أنام وقفلت النور وسبت الباب مفتووح شويه ونمت ع السرير وبمجرد ما غمضت عيني سمحت صووت بيتكلم كلاام غريب مش فاهماه انا بسرعه فتحت عيني وقمت جري من ع السرير وطلعت م الاوضه وروحت غسلت وشي وفضلت أقول لنفسي ان ده يمكن تهيوئات من التعب ولا حاجه وقريت قرأن قبل ما اخش الاوضه ودخلت ونمت ع السرير وغمضت عيني بهدوء سمعت نفس الصوت ،فضلت مكاني وفضلت أفول مفيش حاجه انا بتخيل وفضلت اقرأ ف قرأن كتير علي قد ما اقدر لحد ما الصوت اختفي قولت الحمدلله.
وكملت قراية قرأن عشاان الصووت ميرجعش تااني وبعدها نمت وحلمت حلم غريب .. حلمت إني واقفه ف مكاان جمييل جداا حاجه كده شبه الجنه وفجأه سمعت نفس الصووت المرعب أنا من الخضه فضلت واقفه مكااني متحركتش وفجأه لقيت شااب جمييل جداا جااي عليا وبيضحكلي وقاالي متخاافيش انا مش هأذيكي انا بحبك واناا كل ده وانا بترعش ومش وحااسه اني مش عارفه اتحرك من مكااني وحسييت إني مش عاارفه اصحي م الحلم ده وكل الي كان ف ايدي اعمله اني اغمض عيني وفضلت اقرأ ف قرأن لحد ما قمت مفزووعه ولقييت نفسي ف المستشفي!! أنا إيه الي جابني هنا انا كنت نايمة ف البيت في ايه! ولقيت اهلي وصحاابي حولياا واول ما شافوني قمت جريوا عليا يشوفوني وفضلو يقولو يادكتور مرام فاقت من الغيبوبه اناا مرام فاقت..! لفيت وشي نحيت الصوت وأنا متنحه وساكته وبكلم ف نفسي بصوت واطي غيبوبة ايه انا ايه الي حصلي انا كنت نايمه ف البيت..!
بصتلهم وقولتلهم انا إيه الي جاابني هناا صحاابي ردو وقالو خضيتينا عليكي يا مرام احناا روحنالك الشقه عشاان نروح الجامعة مع بعض ف فضلنا نخبط محدش فتح واتصلناا عليكي كتيير الموبيل كان مقفوول ف قلقنا عليكي ف جبناا واحد كسر الباب لقيناكي مرميه ف الاوضه ومغمي عليكي ولقيينا واحد قااعد جمبك ع الأرض وعماال يعيط أول ما شافناا جري ونط من الشبااك احناا جرينا ع الشباك نبص عليه ملقنااش حااجه ف اخدنااكي وجينا بيكي علي هناا والدكتور قاال انك ف غيبوبه ف سألتهم أنا بقالي قد إيه كده قالولي بقالك ١٨ يووم نايمه.. فضلت اعيط وأنا مش فاهمه أي حاجه ولا فاهمه إيه الي حصلي وبيحصلي..
بعدها بيومين خرجت م المستشفي واهلي قالولي بلاش جاامعه وتعالي ارجعي معانا عشاان ترتاحي شويه وبعدين تبقي ترجعي انا موفقتش وفضلت اقنعهم اني كويسه جدا وبالعافيه وافقوا وقولتلهم عشاان تطمنووا وترتاحوا انا هرووح اقعد عند واحده صحبتي يومين وبالعافيه وافقوا المهم انا قولت لصحبتي دي عاايزه اروح شقتي عشاان اجييب حجاتي وهدوم لياا قالتلي طييب ف لقيتها طالعه معايا قولتلها لا انا هطلع لوحدي.
روحي انتي هااتي اكل عشاان اناا جعاانه قالتلي برااحتك انا مش هتأخر عليكي قولتلها مااشي انا هخلص واستنااكي عند البيت قالت تمام ..هيا مشيت وانا طلعت ع فووق عشاان اشووف الي كاان بيحصلي ده اول ما طلعت دخلت الاوضه وفتحت النور لقييت نفس الشااب الي شوفتو ف الحلم وقالي انا اسف انا بحبك مش هسيبك روحت جريت فتحت باب الشقه وفضلت اصرخ وبعدين رجعت الاوضه لقييت الشاب ده اختفي !! انا لقييت العمااره كلهاا طلعت قالولي في ايه !! قولتلهم انا اسفه بس شوفت خيال كده افتكرته حرامي مفييش حااجه اسفه اني خضيتكم المهم النااس مشيو وانا اخدت حاجتي ونزلت م الشقه وروحت ع بيت صحبتي واكلنا وقالتلي يلا عشاان تناامي وترتااحي شويه قولتلهاا لا خشي ناامي انتي وانا هقعد شويه بس وبعدين ادخل هيا عشان مش عايزه تدايقني قالتلي براحتك بس متسهرييش عشاان مش تتعبي قولتلهاا حااضر وهياا دخلت ناامت وانا فضلت قااعده بفكر ف الولد الي بشووفه كل شويه ده والصوت الي كنت بسمعه انا غصب عني عنياا عفلت شوييه كده…وحلمت اني مااشيه ف نفس المكاان الي حلمت بيه قبل كده
بس كنت خاايفه برضو و كنت بحااول اطمن نفسي وفجأه لقيبت نفس الشااب ده بس كاان باين علليه متعصب او مدايق جدا من حاجة جه وبصلي وقاالي انتي لييه بتعملي كده بصووت مرعب وغريب واناا كنت همووت م الخوف فجأه لقيت صحبتي بتصحيني وبتقوولي ماالك قولتلها مفيش قالتلي مفييش ازاي وانتي كنتي بتصوتي وانتي ناايمه !! قولتلها مفيش حاجه انا تعباانه وهناام انا طبعا مقدرتش استحمل الوضع ده وتااني يووم قوولت لواحده صحبتي ع كل الي حصل وهيا قالتلي انهاا تعرف شيخ كويس وممكن يساعدنا قالتلي هنروحله بعد الجامعه وفعلا روحنا للشيخ ده و حكيتله ع كل اللي حصل قالي انا شاكك ف حاجه بس مش هقولهالك غير لما اتأكد منها.
قولتله طيب مين ده وعايز مني ايه قالي ان ده من الجان وبيحبك ومش هيسيبك إلا لما يتجوزك ويخلف منك انا انهرت ساعتهاا ومعرفتش اعمل ايه صااحبتي قالتلي اهدي وهدتني والشيخ قالي ان ده حصل مع نااس كتيير وفيه نااس عرفت تخلص م الحكايه دي وفي نااس معرفتش بس انشااءالله ربنا قادر انو ينجيكي من اي حاجه وقالي أنا هساعدك علي قد ما اقدر وبعدين قولتلو طب انا هعمل ايه لو شفتو تااني وقالي… انتي تروحي النهارده شقتك قولتلو انا مش هينفع ابات فيها لوحدي مش هقدر فقال هو ده الحل احسن ما الجان ده يتجوزك ويعمل الي هو عايزه قولتلو حااضر خلاص و قالي هتروحي شقتك وتخشي اوضتك وتنامي علي السرير واول ما تشوفي الشاب ده تقوولي (*****)
مش هقدر اقول الكلام عشان محدش يقولو ويتأذي بسببي وقالي اقرأ أيات معينه من القرأن وقال هتقولي الكلام ده اول ما تحسي انو جه او تحسي انو جمبك قولتلو حاضر وحصل فعلا وروحت الشقه ودخلت اوضتي وطفيت النور ونمت ع السرير بعدها ف ١٠ دقايق تقريبا سمعت صوته وحسيت بيه روحت قولت كل الكلام الي الشيخ قالهولي وبعد ما خلصت سمعته بيضحك بصووت مخيف جدا وقال كلام غريب وفضل يصرخ بصوت عالي بصوت قطط مخيف جدا وفجأه لقيت الصوت اختفا تماما.. والحمدلله الموضوع عدا على كده ومن ساعتهاا الحمدلله مبقااش بيظهر تااني اختفي نهائيا الحمدلله كل الي اقدر انصحكو بيه من التجربه القاسيه الي مريت بيها أن على قد ماتقدروا متقعدوش لوحدكم لفترات طويله لان ف الوقت ده بس فرصتة بتكبر للظهور ليكوا واذيتكم.. وربنا يعافيكوا.
اقرأ أيضاً
